Eron Proligasi. “Persepolis” yirik hisobda gʻalaba qozondi, Sergeyev va Oʻrunov maydonga tushdi

Eron chempionatining 4-turida “Persepolis” oʻz maydonida “Malavan” darvozasiga javobsiz 3 ta toʻp kiritdi.

Tehronliklar safida Oʻzbekiston milliy jamoasi hujumchisi Igor Sergeyev asosiy tarkibda maydonga tushib, gol urolmadi va 86-daqiqada zaxiraga olindi.

Yana bir oʻzbekistonlik hujumkor futbolchi Oston Oʻrunov esa 72-daqiqada zaxiradan tushirildi.

“Persepolis” ochkolarini 9 taga yetkazib, 3-oʻringa koʻtarildi. “Malavan” esa 4 ochko 11-pogʻonada.

Eron Proligasi. 4-tur
Persepolis — Malavan 3:0
29 avgust. Tehron
Gollar: Papi (20, avtogol), Bifuma (34), Alipur (56).