«Real» bosh murabbiyi Joze Mourinio yuqori saviyadagi futbolchilarning murabbiy faoliyatiga ta’siri haqida fikr bildirdi.
«Qo‘l ostingizda favqulodda yuqori darajadagi futbolchilar bo‘lsa, ular murabbiyni dahodek ko‘rinishiga sababchi bo‘ladi», — deya Mourinioning so‘zlaridan iqtibos keltiradi The Touchline nashri.
Portugaliyalik mutaxassis bu yozda Madrid klubini ikkinchi bor o‘z boshqaruviga oldi. Uning shartnomasi 2029-yilning 30-iyuniga qadar mo‘ljallangan. Avvalroq Mourinio 2010 — 2013-yillar mobaynida «Real»da ishlagan va jamoa bilan Ispaniya chempionati, mamlakat Kubogi va Superkubogini qo‘lga kiritgandi.
Ma’lumot uchun, La Liganing yangi mavsum 2 turidan so‘ng «Real» 6 ochko jamg‘argan holda turnir jadvalida uchinchi o‘rinni egallab turibdi.
