Ruis: «Nega «Oltin to‘p»ni yutish haqida orzu qilmasligim kerak?»

«PSJ» klubi va Ispaniya milliy jamoasi yarim himoyachisi Fabian Ruis «Oltin to‘p»ni qo‘lga kiritish imkoniyatlari haqida fikr bildirdi.

— Agar individual yutuqlar haqida gapiradigan bo‘lsak, oldinda alohida bir sovrin — «Oltin to‘p» bor. Har kimning o‘z dalillari bor, sizda ham shunday, to‘g‘rimi? Chunki siz buni haqiqiy imkoniyat deb hisoblaysiz?

— Nega endi olmasligim kerak? Rostini aytsam, jamoaviy yutuqlarga qarasak, eng ko‘p sovrin yutgan futbolchi menman. Nazarimda, so‘nggi bir necha yil ichida ularning soni 7 taga yetdi.

Yakunlangan mavsumdan va erishgan natijalarimdan juda mamnunman: «PSJ»da ham, milliy jamoada ham o‘zimni muhim futbolchi sifatida his qilyapman. Futbolchi uchun bu muhim, ayniqsa, men uchun ahamiyatli.

«Oltin to‘p» — ajoyib mukofot, har bir futbolchi uni qo‘lga kiritishni orzu qiladi. Nomim da’vogarlar qatorida tilga olinayotgani va mehnatim e’tirof etilganidan xursandman. Shuning uchun imkon qadar yuqori o‘rinni egallashga harakat qilaman — nega endi g‘oliblik haqida orzu qilmaslik kerak? — deya Ruisning so‘zlarini keltiradi AS.