Portugaliya milliy jamoasi futbolchilari hujumchi Gonsalu Ramushning to'y marosimida ishtirok etdi. Bu haqda Portugaliyaning Flash nashri xabar berdi.
E'tiborli jihati shundaki, marosimda hujumchi Krishitanu Ronaldu qatnashmagan. Uning bu qarori ijtimoiy tarmoqlarda qizg'in muhokamalarga sabab bo'ldi.
Qayd etilishicha, Krishitanu sevgilisi Jorjina bilan shu yozda turmush qurishi kutilmoqda. Biroq to'yning aniq sanasi hozircha sir saqlanmoqda.
Gonsalu Ramush va Margarida Dominges esa Portugaliyada, hujumchi tug'ilgan joy yaqinida nikohdan o'tishdi. Marosim ularning bir yoshli o'g'li Bernardo ko'z o'ngida bo'lib o'tdi.
Kuyov tomonidan guvoh sifatida Ramushning bolalikdangi do'sti Joau Nevesh qatnashdi. Ular shu yozga qadar «PSJ»da birga to'p tepishgandi. Yangi mavsumdan boshlab esa Ramush «Milan» safida o'ynaydi.
Muxlislar bu yangilikni Telegram’da muhokama qilmoqda
Izohlar Telegram’da ochiladi