Португалия миллий жамоаси футболчилари ҳужумчи Гонсалу Рамушнинг тўй маросимида иштирок этди. Бу ҳақда Португалиянинг Flash нашри хабар берди.
Эътиборли жиҳати шундаки, маросимда ҳужумчи Криштиану Роналду қатнашмаган. Унинг бу қарори ижтимоий тармоқларда қизғин муҳокамаларга сабаб бўлди.
Қайд этилишича, Криштиану севгилиси Жоржина билан шу ёзда турмуш қуриши кутилмоқда. Бироқ тўйнинг аниқ санаси ҳозирча сир сақланмоқда.
Гонсалу Рамуш ва Маргарида Домингес эса Португалияда, ҳужумчи туғилган жой яқинида никоҳдан ўтишди. Маросим уларнинг бир ёшли ўғли Бернардо кўз ўнгида бўлиб ўтди.
Куёв томонидан гувоҳ сифатида Рамушнинг болаликданги дўсти Жоау Невеш қатнашди. Улар шу ёзга қадар «ПСЖ»да бирга тўп тепишганди. Янги мавсумдан бошлаб эса Рамуш «Милан» сафида ўйнайди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади