«Manchester Siti» va Angliya U-21 milliy jamoasi himoyachisi Riko Lyuis Niko O’Rayli jarohat olib safdan chiqqani sabab asosiy milliy jamoaga chaqirildi.
«Shaharliklar» a’zosi Angliya milliy jamoasi ixtiyoriga allaqachon yetib kelgan. U Millatlar Ligasining 4-turi doirasidagi Chexiya milliy jamoasiga qarshi bahs oldidan jamoa safiga qo‘shildi.
Qayd etish lozim, 21 yoshli futbolchi bir necha kun avval Angliya U-21 milliy jamoasiga Yevro-2027 final bosqichiga chiqishda yordam berdi. Asosiy milliy jamoada Lyuis jarohat olgan jamoadoshi Niko O’Raylining o‘rnini egallaydi. Shu tariqa, Riko 2024-yil noyabr oyidan buyon birinchi marta asosiy milliy jamoaga chaqiruv oldi.
Ma’lumot o‘rnida, «uch sherlar» ertaga, 5-oktabr kuni Chexiya milliy jamoasi bilan bahs olib boradi. Ushbu qarama-qarshilik Toshkent vaqti bilan soat 23:45 da start oladi.
