«Real» klubi «Aston Villa» darvozaboni Zion Suzukini transfer qilish imkoniyatini o‘rganmoqda.
TEAMtalk nashri xabar berishicha, «qirollik klubi» yaponiyalik kiperning o‘yinlarini diqqat bilan kuzatmoqda.
Madrid klubi Tibo Kurtua bilan shartnomani uzaytirish bo‘yicha taklif tayyorlamoqda. Shu bilan birga, klub darvoza chizig‘ida uzoq muddatli istiqbolni ham hisobga olmoqda. Shu sababli Suzuki «Real» skautlari e’tiboriga tushgan.
Yapon darvozaboniga «Arsenal», «Manchester Siti», «Liverpul», «Tottenhem» va «PSJ» klublari ham qiziqish bildirmoqda.
Xabar qilinishicha, «Aston Villa» Suzukini jamoada saqlab qolish niyatida va qimmatli futbolchisini yo‘qotishdan xavotirda emas. Bir necha vaqt oldin Angliya klubi darvozabonni 36 million yevroga xarid qilib, u bilan besh yillik shartnoma imzolagan edi.
Eslatib o‘tamiz, futbol tarixida darvozabon uchun to‘langan eng katta transfer summasi Kepa Arrisabalagaga tegishli. 2018-yilda «Chelsi» uni «Atletik»dan 84 million yevroga sotib olgan edi.
