«Реал» клуби «Астон Вилла» дарвозабони Зион Сузукини трансфер қилиш имкониятини ўрганмоқда.
TEAMtalk нашри хабар беришича, «қироллик клуби» япониялик кипернинг ўйинларини диққат билан кузатмоқда.
Мадрид клуби Тибо Куртуа билан шартномани узайтириш бўйича таклиф тайёрламоқда. Шу билан бирга, клуб дарвоза чизиғида узоқ муддатли истиқболни ҳам ҳисобга олмоқда. Шу сабабли Сузуки «Реал» скаутлари эътиборига тушган.
Япон дарвозабонига «Арсенал», «Манчестер Сити», «Ливерпул», «Тоттенҳэм» ва «ПСЖ» клублари ҳам қизиқиш билдирмоқда.
Хабар қилинишича, «Астон Вилла» Сузукини жамоада сақлаб қолиш ниятида ва қимматли футболчисини йўқотишдан хавотирда эмас. Бир неча вақт олдин Англия клуби дарвозабонни 36 миллион еврога харид қилиб, у билан беш йиллик шартнома имзолаган эди.
Эслатиб ўтамиз, футбол тарихида дарвозабон учун тўланган энг катта трансфер суммаси Кепа Аррисабалага тегишли. 2018 йилда «Челси» уни «Атлетик»дан 84 миллион еврога сотиб олган эди.
