Австралия миллий жамоаси футболчилари 2026 йилда АҚШ, Канада ва Мексикада бўлиб ўтган жаҳон чемпионатида иштирок этганликлари учун белгиланган мукофот пулини ҳалигача олмаган. Бу ҳақда Australian Associated Press нашри хабар берди.
Манбага кўра, маблағлар мусобақа якунланганидан кейин икки ҳафта ичида футболчиларга ўтказилиши керак эди. Ҳар бир учрашувда асосий таркибда майдонга тушган ёки захирада қолган футболчига тахминан 6 минг Австралия доллари (4,1 минг АҚШ доллари) тўланиши белгиланган.
Маълум қилинишича, Мексика ва Швейцарияга қарши иккита ўртоқлик учрашуви ҳамда жаҳон чемпионатидаги тўртта баҳсни ҳисобга олганда, миллий жамоа таркибига киритилган футболчиларнинг ҳар бирига жами олтита ўйин учун 36 минг Австралия доллари (24,8 минг АҚШ доллари) тўланиши керак бўлган.
Мукофот пулларини тўлаб бериш муддати кечикишини Шимолий Америкадаги солиқ мажбуриятларини аниқлаштириш зарурати билан изоҳлади.
Шунингдек, Австралия миллий жамоаси футболчилари сентябр ойида Бразилияга қарши ўтказилган ўртоқлик учрашувлари учун белгиланган тўловларни тўлиқ олган.
Эслатиб ўтамиз, Австралия жаҳон чемпионатидаги иштироки 1/8 финал босқичида Мисрга пеналтилар сериясида имкониятни бой бериб, турнирдаги иштирокини якунлаганди.
