«Paxtakor» Elit Osiyo Chempionlar Ligasi saralash bosqichidagi raqibini bilib oldi.
Toshkent klubi musobaqaning o‘tish o‘yinida Iordaniya chempioni «Al Husayn» jamoasiga qarshi maydonga tushadi.
Bahs 11 avgust kuni Toshkentda bo‘lib o‘tadi.
Mazkur uchrashuv g‘olibi Osiyo Elit Chempionlar Ligasining asosiy bosqichiga yo‘llanma oladi.
Eslatib o‘tamiz, «Al Husayn» o‘tgan mavsum Iordaniya chempionatida chempionlikni qo‘lga kiritgan edi.
Ma’lumot uchun, «Paxtakor» O‘zbekiston futbolidagi eng sovrindor klublardan biri bo‘lib, o'tgan mavsum Superligada 2-o'rinni egallagan edi.
