Osiyo o‘yinlari. O‘zbekiston penaltilar seriyasida Yaponiyaga yutqazib, finalga chiqa olmadi

Osiyo o‘yinlari futbol turnirida erkaklar o‘rtasidagi bahslarda finalchilar nomi ma’lum bo‘ldi.

Ikkinchi yarimfinal bahsida Ravshan Haydarov boshqaruvidagi O‘zbekiston U23 jamoasi Yaponiyaga qarshi bellashdi. O‘yinda dastlabki gol 8-daqiqada Sardor Bahramov hisobiga yozildi.

Ikkinchi bo‘limda yaponiyaliklar juda ko‘plab vaziyatlarga ega bo‘lishdi. Natijada 88-daqiqaga kelib, «kun chiqar yurt» vakillari hisobni tenglashtirishdi. Asosiy vaqtda durang qayd etildi. Qo‘shimcha ikki bo‘limda ham jamoalar gol ura olishmadi. Natijada g‘olib penaltilar seriyasida aniqlandi. Unda 9:8 hisobida yaponiyaliklar g‘alaba qozonib, finalga chiqdi.

Shu tariqa, Haydarov boshqaruvidagi yoshlar jamoasi finalga chiqa olmadi. Hal qiluvchi bahsda esa Yaponiya va Janubiy Koreya o‘zaro bellashadi.

Osiyo o‘yinlari. Yarimfinal
O‘zbekiston – Yaponiya 1:1 (pen: 8:9)
Gollar: Sardorbek Bahromov 8 – Ishibashi 88
O‘zbekiston: 21. Muratbayev, 2. Hamidov, 3. Murtazoyev, 4. Rizaqulov, 7. Bahramov, 9.Saidnurullayev (Ibraimov, 13), 10. O‘rinboyev (Xayrullayev, 66), 11. Jumayev (Shodiboyev, 85), 13. To‘lqinbekov, 14. Fayzullayev, 19. Karimov (Abdunazarov, 86).
Yaponiya – Pisano, Furuya, Ishibashi (Shimamoto, 62), Ishi, Ishiwatari, Kosugi, Mishiwaki, Mori (Umeki, 64), Nagano, Tsushiya, Yasuda (Ozeki, 62).