Ozarbayjonning Boku shahrida UFC Fight Night 280 turniri davom etmoqda. Unda o'zbekistonlik jangchi Nursulton Ro'ziboyev rossiyalik Andrey Pulyaevga qarshi oktagonga ko'tarildi.
3 raundlik o'rta vazn toifasidagi bellashuvda Nursulton raqibini ilk raunddayoq sabmishen orqali taslim etdi.
Bu orqali Ro'ziboyev faoliyatidagi 37-g'alabasini nishonlagan bo'lsa, Andrey Pulyaev 5-mag'lubiyatini qabul qilib oldi.
Ma'lumot uchun, ushbu turnirning markaziy janglarida Rafael Fiziev (Ozarbayjon) meksikalik Manuel Torresga qarshi bellashadi. Shuningdek, rossiyalik Sharabutdin Magomedov braziliyalik Mishel Pereyraga qarshi oktagonga ko'tariladi.
