Озарбайжоннинг Боку шаҳрида UFC Fight Night 280 турнири давом этмоқда. Унда ўзбекистонлик жангчи Нурсултон Рўзибоев россиялик Андрей Пуляевга қарши октагонга кўтарилди.
3 раундлик ўрта вазн тоифасидаги беллашувда Нурсултон рақибини илк раунддаёқ сабмишен орқали таслим этди.
Бу орқали Рўзибоев фаолиятидаги 37-ғалабасини нишонлаган бўлса, Андрей Пуляев 5-мағлубиятини қабул қилиб олди.
Маълумот учун, ушбу турнирнинг марказий жангларида Рафаэль Физиев (Озарбайжон) мексикалик Мануэл Торресга қарши беллашади. Шунингдек, россиялик Шарабутдин Магомедов бразилиялик Мишел Перейрага қарши октагонга кўтарилади.
