"Monako" rahbariyati yarimhimoyachi Pol Pogbaga klub bilan shartnomani bekor qilish niyati borligini ma'lum qildi. Bu haqida Nice-Matin xabar berdi.
Monegasqlar futbolchi bilan moliyaviy kelishuvga erishishga harakat qilmoqda. Ehtimol, klub Pogbaga 2027 yil yoziga qadar amal qiladigan shartnomasi bo'yicha qolgan maoshining barchasini to'lab beradi.
"Monako" 33 yoshli futbolchisi bilan shartnomani 2025 yil oxiridayoq bekor qilishni istagan. Biroq Pogba klub rahbariyatini unga yana bir imkoniyat berishga ko'ndirdi.
Ma'lumot uchun, Pol 2025 yil yozidan buyon "Monako" futbolchisi hisoblanadi. Shu vaqt davomida u jamoa safida atigi 6 ta uchrashuvda maydonga tushdi.
Avvalroq u Angliyadagi "Monako" yig'ini vaqtida navbatdagi jarohatini olgani haqida xabarlar tarqalgan edi.
