Matteus «Oltin to‘p» uchun kurashda Keynning imkoniyatlarini baholar ekan, u futbolchining faqat bitta uchrashuvi yoki Jahon chempionatidagi ishtirokini emas, balki butun yil davomidagi o‘yinini hisobga olish kerakligini ta’kidladi.
«Harri Keyn chorshanba kuni Yevropaning eng yaxshi to‘purari sifatida «Oltin butsa»ni oldi. Menimcha, u «Oltin to‘p»ning ham asosiy da’vogari. Men butun yilni baholayman, faqat bitta o‘yin yoki bitta Jahon chempionatini emas.
Bir nechta futbolchi «Barselona» safida Ispaniya chempionligini va terma jamoasi bilan Jahon chempionatini yutdi. Ammo ular orasida boshqalardan yaqqol ajralib turgan futbolchi bo‘ldimi? Lamin Yamal haqida javobim — yo‘q.
Keyn «Bavariya» safida ikkita ichki turnir sovrinini qo‘lga kiritdi. Uning yagona kamchiligi — Jahon chempionati va Chempionlar ligasi finallariga chiqa olmagani. Qolgan jihatlarda u ajoyib o‘yin namoyish etdi va menimcha, uning mavsumida sust davr bo‘lmagan.
U va Rodri — maydondagi harakatlari o‘zi uchun gapiradigan, maydon tashqarisidagi mojarolari bilan sarlavhalarga chiqmaydigan futbolchilar.
Menimcha, Keyn «Oltin to‘p»ga eng ko‘p loyiq futbolchi», — deb yozdi Matteus o‘z maqolasida.
Ma’lumot uchun, Harri Keyn «Bavariya» safida to‘p tepadi va Yevropaning eng yaxshi to‘purari sifatida «Oltin butsa» sohibiga aylangan.
