Маттеус «Олтин тўп» учун курашда Кейннинг имкониятларини баҳолар экан, у футболчининг фақат битта учрашуви ёки Жаҳон чемпионатидаги иштирокини эмас, балки бутун йил давомидаги ўйинини ҳисобга олиш кераклигини таъкидлади.
«Ҳарри Кейн чоршанба куни Европанинг энг яхши тўпурари сифатида «Олтин бутса»ни олди. Менимча, у «Олтин тўп»нинг ҳам асосий даъвогари. Мен бутун йилни баҳолайман, фақат битта ўйин ёки битта Жаҳон чемпионатини эмас.
Бир нечта футболчи «Барселона» сафида Испания чемпионлигини ва терма жамоаси билан Жаҳон чемпионатини ютди. Аммо улар орасида бошқалардан яққол ажралиб турган футболчи бўлдими? Ламин Ямал ҳақида жавобим — йўқ.
Кейн «Бавария» сафида иккита ички турнир совринини қўлга киритди. Унинг ягона камчилиги — Жаҳон чемпионати ва Чемпионлар лигаси финалларига чиқа олмагани. Қолган жиҳатларда у ажойиб ўйин намойиш этди ва менимча, унинг мавсумида суст давр бўлмаган.
У ва Родри — майдондаги ҳаракатлари ўзи учун гапирадиган, майдон ташқарисидаги можаролари билан сарлавҳаларга чиқмайдиган футболчилар.
Менимча, Кейн «Олтин тўп»га энг кўп лойиқ футболчи», — деб ёзди Маттеус ўз мақоласида.
Маълумот учун, Ҳарри Кейн «Бавария» сафида тўп тепади ва Европанинг энг яхши тўпурари сифатида «Олтин бутса» соҳибига айланган.
