Лука Модрич ўзининг собиқ ва ҳозирги клублари ҳақида фикр билдирди. Хорватиялик футболчининг фикрича, «Милан» футбол оламидаги мақоми бўйича «Реал» билан бир даражада.
«Мен дунёнинг энг буюк клуби бўлган «Реал»да ўйнаганман. Аммо «Милан» ҳам у билан бир даражада, деб ҳисоблайман. Бу ерга келганингизда буни ўзингиз ҳам тушунасиз», — деди Модрич.
Эслатиб ўтамиз, Лука Модрич «Реал» сафида 2012–2025 йилларда тўп тепган ва кейин «Милан»га ўтган.
Маълумот учун, 40 ёшли Модрич ёзда «Милан» билан шартномасини 2026/27 йилги мавсум охиригача узайтирди. Хорватиялик футболчи 2018 йилда «Олтин тўп»ни қўлга киритган.
