«Реал» клубдаги анъанавий тақдимот маросимини кескин ўзгартирди. Мадридликлар жамоанинг янги бош мураббийи Жозе Моуриниони мухлислар ва журналистлардан йироқда, ёпиқ тадбирда таништирди.
Клуб анъанавий тарзда оммавий тадбир ташкил этиш ўрнига, Моуринионинг тақдимотини ўз расмий платформаларида видео орқали намойиш қилди. Тадбирдан кейин матбуот анжумани ҳам ўтказилмади.
Goal нашри Испаниянинг Sport газетасига таяниб хабар беришича, бу ўзгариш ташаббускори «Реал» президенти Флорентино Перес бўлган. У бундан буён клубнинг янги аъзоларини оммавий тақдимотлар ўрнига ёпиқ маросимларда таништиришга қарор қилган.
Маълумот учун, Жозе Моуринио аввал ҳам 2010–2013 йилларда «Реал»ни бошқарган.
Эслатиб ўтамиз, «Реал» Ла Лиганинг янги мавсумидаги илк учрашувини 22 август куни сафарда «Эспанёл»га қарши ўтказади.
