«Manchester Siti» bosh murabbiyi Enso Mareska Angliya Premyer-ligasining 1-turida «Bornmut» ustidan 2:1 hisobida qozonilgan g‘alabani izohladi.
«Shaharliklar» bahs davomida hisobda ortda qolgan bo‘lsa-da, ikkinchi bo‘limda vaziyatni o‘zgartirib, irodali g‘alabaga erishdi. Mareska jamoasi gol o‘tkazib yuborishidan oldin ham yaxshi o‘yin ko‘rsatganini qayd etdi.
«Rostini aytsam, hatto birinchi bo‘limda ham gol o‘tkazib yuborgunimizga qadar yaxshi o‘ynadik. Raqibga biror marta ham zarba berish imkonini bermadik, o‘zimiz esa uch-to‘rtta yaqqol vaziyat yaratdik. Keyin ular gol urishdi va biroz qiyinlashdi. Ammo umuman olganda, biz g‘alabaga loyiq edik.
Ikkinchi bo‘limda ular biroz ortga chekindi. Bunga qisman birinchi bo‘limning katta qismida to‘p bizda bo‘lgani va ular ko‘p yugurgani sabab bo‘ldi. Ikkinchi bo‘limda ular biroz chuqurroq joylashdi. Bizga 90 daqiqa davomida g‘alaba uchun kurashish shart emas edi, ehtimol, uch ochkoni bundan ham oldinroq qo‘lga kiritishimiz kerak edi», — dedi Mareska.
Ma’lumot uchun, «Manchester Siti» navbatdagi uchrashuvini 28 avgust kuni safarda «Kristal Pelas»ga qarshi o‘tkazadi.
