«Liverpul» va Argentina milliy jamoasi yarimhimoyachisi Aleksis Mak Allisterning fikricha, «PSJ» ayni paytda dunyodagi eng yaxshi jamoa hisoblanadi.
«Tan olish kerak, «PSJ» bugungi kunda dunyoning eng yaxshi jamoasi hisoblanadi. Klubda hamma narsa bor: juda intizomli, yaxshi o‘yin ko‘rsatmoqda, barcha futbolchilar oxirigacha harakat qiladi. Shaxsan men uchun ular eng yaxshisi», — deya Mak Allisterning so‘zlaridan keltiradi RMS Sport.
Avvalroq «PSJ» klublar o‘rtasidagi jahon chempionati 1/8 finalida «Inter Mayami»ni mag‘lub etib, chorak finalga yo‘l oldi.
