«PSJ» bosh murabbiyi Luis Enrike Usmon Dembele «Barselona»da olgan futbol ta’limi uning o‘yin falsafasiga mos kelishini aytdi.
«Usmon Dembele «Barselona»da eng yaxshi futbol maktabida tahsil olgan. U allaqachon hamma narsani biladi! «Barselona»dan kelgan futbolchi men futbolda nimani yoqtirishimni tushunadi va mening talablarimga juda yaxshi moslashadi», — dedi Enrike. Uning so‘zlarini jurnalist Fabritsio Romano keltirdi.
Ma’lumot uchun, Dembele «Barselona» safida 2017–2023-yillarda to‘p tepgan, keyinchalik esa «PSJ»ga o‘tgan.
Eslatib o‘tamiz, Luis Enrike ham faoliyatining turli davrlarida «Barselona»ni boshqargan va kataloniyaliklar bilan muhim sovrinlarni qo‘lga kiritgan.
