Myunxenning «Bavariya» klubi bosh murabbiyi Vensan Kompani darvozabonlar pozitsiyasidagi ehtimoliy rotatsiya haqida fikr bildirdi.
«Jamoaning Kubok yoki Chempionlar ligasi uchun alohida darvozaboni bo‘lishi g‘oyasi menga yoqmaydi. Biz taqvimga qaraymiz va Noyerga qachon dam berish, Urbigga esa qachon imkoniyat taqdim etish mumkinligini hal qilamiz», — dedi Kompani.
Eslatib o‘tamiz, yangi mavsumda 40 yoshli Noyer barcha musobaqalar doirasida ikkita o‘yinda maydonga tushib, o‘z darvozasidan ikkita to‘p o‘tkazib yubordi. 23 yoshli Urbig esa hozircha maydonga tushgani yo‘q.
