«Bavariya» va Angliya milliy jamoasi hujumchisi Harri Keyn «Oltin to‘p» uchun ovoz berish yakunlariga ko‘ra g‘olib bo‘lish ehtimoli haqida fikr bildirdi.
Keynning qayd etishicha, bu yilgi taqdirlash marosimining London shahrida o‘tkazilishi uning uchun alohida ahamiyatga ega. Angliyalik hujumchi faoliyatidagi ushbu sovrin uning uchun katta yutuq bo‘lishini ta’kidladi.
«Angliyalik futbolchilar 20 yildan ortiq vaqt davomida «Oltin to‘p»ni qo‘lga kiritishmagan, garchi shu davrda juda ko‘plab ajoyib ingliz futbolchilari bo‘lgan. Men uchun «Oltin to‘p» uchun kurashda g‘alaba qozonish juda katta yutuq bo‘lardi. Ammo hozir asosiy e’tiborim ushbu mavsumda yana o‘z darajamni namoyish etishga qaratilgan», — dedi Keyn «Bavariya» klub jurnaliga bergan intervyusida.
Ma’lumot uchun, «Oltin to‘p» sohibi 26-oktabr kuni Londonda o‘tkaziladigan taqdirlash marosimida aniqlanadi. Mukofot uchun nomzodlar orasida Keyn va Ispaniya milliy jamoasi hujumchisi Lamin Yamal ham bor.
Eslatib o‘tamiz, Harri Keyn 2023-yildan buyon «Bavariya» safida o‘ynamoqda.
