«Inter» «Liverpul» yarimhimoyachisi Kertis Jons transferi bo‘yicha muzokaralarni davom ettirmoqda. «Neradzurri» yaqin kunlarda 25 yoshli futbolchi uchun 30 million yevrolik taklif yuborishni rejalashtirmoqda. Bu haqda La Gazzetta dello Sport xabar berdi.
Jons «Inter»ning transfer bozoridagi asosiy maqsadlaridan biri hisoblanadi. Avvalroq «Liverpul» o‘z tarbiyalanuvchisi uchun qariyb 40 million yevro talab qilgandi. So‘nggi ma’lumotlarga ko‘ra, ingliz klubi futbolchi uchun talabini 35 million yevro atrofida belgilagan.
Eslatib o‘tamiz, Kertis Jonsning «Liverpul» bilan amaldagi shartnomasi 2027 yil yozida yakunlanadi. Futbolchining o‘zi «Inter»ga o‘tishga qiziqish bildirmoqda.
Ma’lumot uchun, 25 yoshli Jons o‘tgan mavsumda «Liverpul» safida barcha turnirlarda 49 ta uchrashuvda maydonga tushgan.
