Oliver Glasner "Nottinghem Forest" bilan uch yillik shartnoma imzoladi. Bu haqda jurnalist Fabritsio Romano xabar berdi.
51 yoshli avstriyalik mutaxassis iste'fosi rasman e'lon qilingan Vitor Pereyraning o'rnini egallaydi. Avvalroq yangi bosh murabbiy klubga o'z murabbiylar shtabidagi asosiy xodimlarni olib kelishi va transferlar bo'yicha qarorlar qabul qilishda faol ishtirok etishi haqida xabarlar tarqalgan edi.
Glasner 2025/2026 yilgi mavsum yakunlanganidan so'ng "Kristal Pelas"ni tark etdi. U klub bilan Angliya kubogi, Angliya superkubogi hamda Konferensiyalar Ligasida g'olib chiqqan.
