«Barselona» bosh murabbiyi Hans-Diter Flik Ispaniya chempionatining 13-turida «Vilyarreal»ga (3:2) qarshi bahsda Lamin Yamal aniq amalga oshira olmagan penalti haqida fikr bildirdi.
«Yamal penaltini Rafinya o‘rniga tepdimi? Lamin avval ham penaltini muvaffaqiyatli amalga oshirgan. Kim tepishi haqida futbolchilarning o‘zlari qaror qabul qilishadi. Ammo, ehtimol, bu tizimni o‘zgartirishim kerakdir. Ularning har ikkisi ham penaltidan gol ura oladi. Biroq bu masalani muhokama qilib olishimiz zarur», — dedi germaniyalik mutaxassis uchrashuvdan keyin.
Ma’lumot uchun, bu mavsumda Rafinya uchta penaltining barchasini aniq amalga oshirgan. Lamin esa uchta urinishidan faqat bittasida gol urishga muvaffaq bo‘lgan.