Flick: "Oson bo'lmasa-da, mag'lubiyatni qabul qilishimiz kerak"

“Barselona” bosh murabbiyi Hans-Diter Flik Ispaniya chempionatining 10-turidan oʻrin olgan “Real” (1:2) bilan oʻyindan soʻng oʻz fikrlarini bildirdi.

"Gol urish uchun imkoniyatlarimiz bo'ldi, ammo mobillik (harakatchanlik) yetishmadi. Ikkinchi bo'limda jamoa raqibga muammolar tug'dira boshladi. Biroq aynan shu paytda diqqatni sezilarli darajada yo'qotdik va bu mag'lubiyatimizga sabab bo'ldi.

Bu natijani qabul qilishimizga to'g'ri keladi, garchi oson bo'lmasa ham. «Barselona» shu yo'sinda davom etishi kerak.

Endi esa bor e'tiborimizni keyingi o'yinlarga qaratishimiz lozim. Avvalgi bahslardagi kabi jismoniy va ruhiy tetikligimizni tiklashimiz kerak", — deya germaniyalik mutaxassisning so'zlarini keltiradi AS.