«PSJ» bosh murabbiyi Luis Enrike Fransiya chempionati 10-turi doirasida «Trua» ustidan qozonilgan 1:0 hisobidagi g‘alabadan so‘ng fikr bildirdi. Ushbu natija parijliklar uchun barcha turnirlardagi ketma-ket 11-g‘alaba bo‘ldi.
«Ketma-ket 11 ta g‘alaba — ajoyib natija. Ammo eng muhimi, milliy jamoalar o‘yinlari uchun mo‘ljallangan ikki tanaffus oralig‘idagi barcha bahslarda g‘alaba qozona oldik. Bu biz bilan ilk bor sodir bo‘ldi.
Turnir jadvalida qiyin vaziyatda turgan jamoalarga qarshi bahslarda ko‘pincha shunday bo‘ladi — o‘yin murakkab kechdi. Odatdagidan ko‘proq vaziyatlar yaratdik va imkon qadar ko‘proq gol urishga intildik, biroq raqib juda yaxshi himoyalandi.
Ayniqsa, shunday bahsda g‘alaba qozonganimizdan juda mamnunman. Muxlislarni tabriklayman, bu muhim kun bo‘ldi. «Park de Prens»dagi har bir g‘alaba alohida ahamiyatga ega. Biz baxtiyormiz va oldinda klub bilan birgalikda yana ko‘plab yillar kutib turishiga umid qilaman. Bu klub uchun juda muhim», — deya Enrikening so‘zlarini «PSJ» rasmiy sayti keltirmoqda.
Ma’lumot uchun, «PSJ» — «Trua» bahsi 7 noyabr kuni bo‘lib o‘tdi. Uchrashuvdagi yagona golga ukrainalik himoyachi Ilya Zabarni 39-daqiqada mualliflik qildi.
Eslatib o‘tamiz, parijliklar ushbu g‘alaba orqali barcha turnirlardagi ketma-ket g‘alabalari sonini 11 taga yetkazdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi