«PSJ» hujumchisi Usmon Dembele Zinedin Zidan bosh murabbiyligidagi Fransiya milliy jamoasidagi mashg‘ulotlar va o‘zining tarkibdagi roli haqidagi fikrlari bilan o‘rtoqlashdi.
«G‘alaba qozonish, jamoa bilan birga o‘ynash va hujumlarni yakunlash ustida ishlash menga zavq beradi. Menda katta mas’uliyat bor.
Uchrashuv davomida menga tezkor harakatlanish, hujumdagi futbolchilar bilan pozitsiyalarimni almashtirish yoqadi.
Albatta, «to‘qqizlik» pozitsiyasida o‘ynashdan xursandman. U yerda yoki o‘ng qanotda o‘ynash men uchun muammo emas», — dedi Dembele.
Ma’lumot o‘rnida, «uch ranglilar» navbatdagi uchrashuvini Millatlar Ligasi doirasida Belgiya milliy jamoasiga qarshi o‘tkazadi. Ushbu qarama-qarshilik ertaga, 5 oktabr kuni Toshkent vaqti bilan soat 23:45 da boshlanishi rejalashtirilgan.
Avvalroq Dembele «Oltin to‘p» uchun asosiy da’vogarlar kim ekanini aytib o‘tgandi.
