Bugun, 4-oktyabr kuni Qibraydagi stadionda «Lokomotiv» va «Navbahor» jamoalari o‘rtasida nazorat bahsi o‘tkazildi.
«Lokomotiv» 16-daqiqada Suhrob Nurulloyevning goli evaziga hisobni ochdi. 26-daqiqada Muhammadqodir Hamraliyev muvozanatni tikladi. Birinchi bo‘lim yakunida Jasur Yaxshiboyev «Lokomotiv»ni yana oldinga olib chiqdi.
Ikkinchi bo‘limda Yaxshiboyev 59-daqiqada o‘zining ikkinchi golini urib, mezbonlarning ustunligini 3:1 ko‘rinishiga keltirdi. Biroq «Navbahor» yakunda ajoyib kambek amalga oshirdi.
76-daqiqada Asad Rahimjonov hisobni qisqartirdi. 85-daqiqada Jasur Jaloliddinov penaltini aniq amalga oshirib, hisobni tenglashtirdi. 89-daqiqada Anasxon Kamolov «Navbahor»ga g‘alaba keltirgan golni urdi.
Nazorat bahsi
Lokomotiv — Navbahor 3:4
Gollar: Nurulloyev 16, Hamraliyev 26, Yaxshiboyev 45, Yaxshiboyev 59, Rahimjonov 76, Jaloliddinov 85-pen, Kamolov 89.
