Londonning «Chelsi» klubi «Sanderlend» yarimhimoyachisi Granit Jakani o‘z safiga qo‘shib olish uchun ilk rasmiy taklifini yubordi.
Jurnalist Luka Cherchionening xabariga ko‘ra, «ko‘klar» 33 yoshli futbolchi uchun 30 million yevro taklif qilgan.
Manbaga ko‘ra, ushbu transferni amalga oshirishni «Chelsi»ning yangi bosh murabbiyi Xabi Alonso shaxsan so‘ragan. Ispaniyalik mutaxassis avvalroq Jakani Leverkuzenning «Bayer» klubida ham boshqargan.
2025/26 yilgi mavsumda Granit Jaka «Sanderlend» safida Angliya Premyer-ligasining 34 ta uchrashuvida maydonga tushib, 1 ta gol va 6 ta assist muallifi bo‘ldi.
Shveysariyalik futbolchining «Sanderlend» bilan amaldagi shartnomasi 2028 yilning yoziga qadar amal qiladi.
