“Chelsi” Fofanani Shveysariya klubiga sotdi

“Chelsi” hujumchisi David Fofana faoliyatini Shveysariyada davom ettiradi.

“Servett” klubi ivuarlik 23 yoshli futbolchi bilan 2030 yil yozigacha shartnoma tuzilganini maʼlum qildi.

Avvalroq transfer qiymati 2,5 million yevroni tashkil qilishi, shuningdek, 1 million yevro bonuslar koʻrinishida toʻlanishi xabar qilingandi.

Fofana avvalroq “Union”, “Byornli”, “Goʻztepa”, “Fotih Karagyumryuk” va “Strasburg” klublarida ijarada toʻp tepgan. U 2023 yilda “Chelsi”ga oʻtganidan soʻng jamoaning asosiy tarkibida atigi 4 ta oʻyinda maydonga tushgan, ammo samarali harakatlar bilan ajralib tura olmagan.