«Byornli» bosh murabbiyi Skott Parker lavozimini tark etdi.
Klub rasmiy saytida berilgan xabarga ko‘ra, tomonlar o‘zaro kelishuv asosida hamkorlikni yakunlashga qaror qilgan. Bu qaror jamoaning APLdan tushib ketgani tasdiqlangach qabul qilingan.
Qayd etilishicha, Parker «Byornli»ni 2024/25 yilgi mavsumda Chempionshipdan APLga olib chiqqan. O‘sha kampaniyada jamoa 33 o‘yinlik mag‘lubiyatsiz seriya qayd etib, 30 uchrashuvda darvozasini daxlsiz saqlagan.
Klub bayonotida mutaxassisga professional faoliyati va qo‘shgan hissasi uchun minnatdorlik bildirilgan.
Ma’lumot uchun, mavsum yakuniga qadar jamoani vaqtincha Mayk Jekson boshqaradi. «Byornli» navbatdagi bahsini «Lids»ga qarshi safarda o‘tkazadi.
