O‘tgan yili Samarqandning "Dinamo" jamoasida harakat qilgan braziliyalik yarim himoyachi Duglas Maykon endilikda "Qizilqum" sharafini himoya qiladi.
Qayd etilishicha, futbolchi "oltin izlovchilar" bilan mavsum yakunigacha shartnoma imzoladi.
Eslatib o‘tamiz, Duglas Maykon hozirgacha Superliga bahslarida 22 o‘yinda maydonga tushib, raqiblar darvozasini bir bor ishg‘ol etgan. Qolaversa futbolchi O‘zbekiston kubogi musobaqasida ham uch bor maydonga tushishga ulgurgan.
"Duglas Maykonga jamoamizdagi faoliyatida omad va zafarli daqiqalarni tilab qolamiz", - deyiladi "Qizilqum" matbuot xizmati xabarida.
