Braziliya milliy jamoasi bosh murabbiyi Karlo Anchelotti 29 oktyabr kuni noyabr oyidagi yig‘inga chaqirilgan futbolchilar ro‘yxatini e’lon qilishi kutilmoqda.
Diario SPORT nashrining xabar berishicha, Anchelotti hujumchilar ro‘yxatiga «Barselona» vakili Rafinya Diasni ham kiritishni niyat qilgan. Futbolchi avvalgi xalqaro tanaffus vaqtida olgan jarohatidan yaqindagina tuzalib, safga qaytgan. Milliy jamoa ixtiyoriga yetib borish uchun, Rafinya qariyb 11 ming kilometr masofani bosib o‘tishi talab etiladi.
Manba ma’lumotlariga ko‘ra, «Barselona» yana bir bor muhim futbolchisidan ayrilib qolishni istamayapti, shu sababli Braziliya futbol federatsiyasi bilan futbolchini klub qarorgohida qolib, sport formasini tiklashi uchun sharoit yaratib berish borasida kelishuvga erishmoqchi.
Eslatib o‘tamiz, noyabr oyida Braziliya milliy jamoasi Yaponiya (14 noyabr) va Singapurga qarshi (17 noyabr) ikkita o‘rtoqlik o‘yini o‘tkazadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi