«Aston Villa» himoyachi Viktor Lindelöf bilan shartnomani kamida yana bir yilga uzaytirishga qaror qildi. Bu haqda Sportbladet nashri xabar bermoqda.
Ma’lum bo‘lishicha, shvetsiyalik 32 yoshli futbolchining amaldagi shartnomasi kelasi yozda yakuniga yetadi. Birmingemliklar yangi kelishuvni yaqin vaqt ichida imzolashi kutilmoqda.
Eslatib o‘tamiz, Lindelöf bir yildan sal ko‘proq vaqt oldin «Manchester Yunayted»dagi sakkiz mavsumdan so‘ng «Aston Villa»ga o‘tgan edi. U o‘tgan mavsumda jamoa bilan birgalikda Yevropa Ligasida g‘olib bo‘ldi.
Bu mavsumda Viktor «Aston Villa» safida barcha turnirlar doirasida 8 ta uchrashuvda maydonga tushgan. Transfermarkt portali Lindelöfning bozor qiymatini 5 million yevroga baholamoqda. Shartnomaning uzaytirilishi shvetsiyalik futbolchiga kamida 2028 yilning yoziga qadar klubda qolish imkonini beradi.
