«Arsenal» bosh murabbiyi Mikel Arteta «Nottinghem Forest»ga qarshi bo‘lib o‘tadigan Premer-liga o‘yini haqida fikr bildirdi.
«So‘nggi ikki o‘yinda o‘zimizni juda yaxshi ko‘rsatdik. Sifatli o‘yin ko‘rsatib, ajoyib natijalarga erishdik. Endi butun e’tiborimiz «Nottinghem Forest»ga qaratilgan. Ishonchim komilki, bu juda qiyin o‘yin bo‘ladi.
Biz gol urish va o‘tkazib yubormaslik uchun bor kuchimizni ishga solamiz. Bizni og‘ir sinov kutmoqda: raqib juda malakali murabbiylar shtabiga ega. Biz ular bilan avval ham to‘qnash kelganmiz — ular o‘z maydonida o‘ziga xos muhit va kuchli turtki yaratishga qodir. Biz bunga tayyormiz», - dedi Arteta matbuot anjumanida.
Ma’lumot uchun, «Nottinghem Forest» va «Arsenal» o‘rtasidagi bahs yakshanba, 18-oktyabr kuni bo‘lib o‘tishi rejalashtirilgan.
