«Арсенал» бош мураббийи Микел Артета «Ноттингҳем Форест»га қарши бўлиб ўтадиган Премер-лига ўйини ҳақида фикр билдирди.
«Сўнгги икки ўйинда ўзимизни жуда яхши кўрсатдик. Сифатли ўйин кўрсатиб, ажойиб натижаларга эришдик. Энди бутун эътиборимиз «Ноттингҳем Форест»га қаратилган. Ишончим комилки, бу жуда қийин ўйин бўлади.
Биз гол уриш ва ўтказиб юбормаслик учун бор кучимизни ишга соламиз. Бизни оғир синов кутмоқда: рақиб жуда малакали мураббийлар штабига эга. Биз улар билан аввал ҳам тўқнаш келганмиз — улар ўз майдонида ўзига хос муҳит ва кучли туртки яратишга қодир. Биз бунга тайёрмиз», - деди Артета матбуот анжуманида.
Маълумот учун, «Ноттингҳем Форест» ва «Арсенал» ўртасидаги баҳс якшанба, 18 октябр куни бўлиб ўтиши режалаштирилган.
