«Катта дубулға» туркумига кирувчи мусобақалар 24 карра чемпиони сербиялик теннисчи Новак Жокович 24 октябрдан 1 ноябргача Швейцариянинг Базел шаҳрида бўлиб ўтадиган ATP-500 тоифасидаги турнирда иштирок этадиган бўлди.
ATP матбуот хизмати Х ижтимоий тармоғидаги саҳифаси орқали сербиялик теннисчи 15 йил ичида биринчи марта ушбу мусобақада иштирок этишини таъкидлаб ўтди.
Эслатиб ўтамиз, Жокович Базелдаги сўнгги ғалабасини 2009 йилда қўлга киритган эди. Финалда у дунёнинг собиқ биринчи рақамли теннисчиси Рожер Федерерни 6:4, 4:6, 6:2 ҳисобида мағлуб этган.
Шунингдек, Бен Шелтон (АҚШ), Феликс Оже-Аляссим (Канада), Артур Фис (Франция), Тейлор Фриц (АҚШ), Рафаэл Ходар (Испания), Валентин Вашеро (Монако), Александр Бублик (Қозоғистон) ва бошқалар Швейцариядаги турнир бош соврини учун даъвогарлик қилишади.
2025 йилда дунёнинг 29-ракеткаси бразилиялик теннисчи Жоао Фонсека Базелдаги турнир ғолиби бўлганди. Финалда у испаниялик Алехандро Давидович-Фокина (рейтингда 26-ўрин)ни 6:3, 6:4 ҳисобида мағлуб этган.
