"Arsenal" markaziy himoyachi pozitsiyasini kuchaytirishni rejalashtirmoqda.
Jurnalist Ekrem Konurning xabar berishicha, "to'pchilar" Vilyam Saliba olgan jarohat sabab uning o'rniga munosib himoyachi izlamoqda.
Klub "Aston Villa"ning 28 yoshli himoyachisi Ezri Konsa nomzodini ko'rib chiqmoqda. Jahon chempionatidan so'ng klub uning agentlari bilan muzokaralarni boshlashga tayyor.
Konsa o'tgan mavsumda barcha turnirlar doirasida 48 ta o'yinda maydonga tushib, 2 ta gol urgani va 1 ta assistni qayd etgani ma'lum.
