Anchelotti: "Hozirgi Braziliya o'yinchilari to'p nazoratiga asoslangan futbolga mos emas"

Braziliya bosh murabbiyi Karlo Anchelotti jamoaning asosiy muammolari haqida fikr bildirdi.

– Milliy jamoa bilan ishlayotganingizga bir yil bo'ldi. Sizningcha, jamoaning eng katta muammosi nimada? Sovrinlar uchun kurashishga nima yetishmayapti?

– Jamoaning o'yin uslubi futbolchilarning xususiyatlariga mos bo'lishi kerak. Biz Norvegiyadan kamroq to'p nazoratiga ega bo'lganimiz uchun tanqidga uchradik. Ammo futbolchilarimizning sifatlari to'p nazoratiga asoslangan futbol uchun to'liq mos emas.

Agar yangi futbolchilar, ayniqsa, yuqori saviyali yarimhimoyachi paydo bo'lsa, albatta, to'pni nazorat qilishga asoslangan o'yinni namoyish etish mumkin, — dedi Anchelotti Globo nashriga.

Eslatib o'tamiz, Braziliya milliy jamoasi 2026 yildagi Jahon chempionatida 1/8 final bosqichidayoq musobaqani tark etdi. Turnir g'olibligini esa finalda Argentinani mag'lub etgan Ispaniya qo'lga kiritdi.