Braziliya milliy jamoasi darvozaboni Alisson Bekker bosh murabbiy Karlo Anchelottiga tushayotgan bosim darajasiga baho berdi.
«Liverpul» posboni italiyalik mutaxassisning vazifasi nihoyatda murakkab ekanini ta’kidladi.
«Anchelottining o‘rnida bo‘lish Braziliya prezidenti bo‘lishdan ham ko‘proq bosimni his qilishni anglatadi», — dedi Alisson.
Braziliya futbolida natijalar doimo eng yuqori darajada talab qilinadi va milliy jamoa har bir yirik turnirda bosh sovrin uchun asosiy da’vogar sifatida ko‘riladi.
Shu sababli Karlo Anchelotti ham JCH-2026 oldidan katta bosim ostida ishlamoqda.
Eslatib o‘tamiz, italiyalik mutaxassis 2026 yil boshida Braziliya milliy jamoasi bosh murabbiyiga aylangan edi.
Ma’lumot uchun, Braziliya milliy jamoasi Jahon chempionatidagi ilk uchrashuvini 14 iyun kuni Marokashga qarshi o‘tkazadi. Bahs AQSHning Ist-Raterford shahridagi «Metlayf» stadionida bo‘lib o‘tadi.
