«Лестер»нинг афсонавий ҳужумчиси Жейми Варди «Кремонезе» билан шартнома имзолади. Бу ҳақда Италия клуби расмий сайти хабар берди.
Англиялик 38 ёшли футболчи А Серия вакили билан бир йиллик битим тузди. Келишув яна бир йилга узайтирилиши ҳам мумкин.
Ўтган мавсум Жейми «тулкилар» сафида барча турнирларда 36 ўйинда майдонга тушиб, 10та гол урди ва 4 ассистни қайд этган. «Лестер» билан Англия Премер-лигаси, Англия кубоги ва суперкубогида ҳам ғолиб чиққан.
«Кремонезе» бу мавсум А Серия турнир жадвалида 6 очко билан 3-ўринда бормоқда.
Аввалроқ «Фиорентина» Лэмптининг трансферини эълон қилганди.
