Ўзбекистон ташқи ишлар вазирлиги миллий жамоа футболчилари текширилгани бўйича АҚШдан изоҳ сўради. Бу ҳақда вазирлик матбуот котиби Омонулла Файзиев хабар берди.
АҚШнинг Ню-Йорк шаҳрида Ўзбекистон ва Нидерландия миллий жамоалари ўртасидаги ўртоқлик учрашуви (1:2) олдидан миллий жамоамиз футболчилари ҳамда мураббийлар штаби аъзолари кучайтирилган хавфсизлик текширувидан ўтказилган.
Қайд этилишича, Ўзбекистоннинг Ню-Йоркдаги бош консулхонаси орқали АҚШнинг тегишли идораларига расмий мурожаат қилиниб, ҳолат юзасидан тушунтириш сўралган.
