Oʻzbekiston tashqi ishlar vazirligi milliy jamoa futbolchilari tekshirilgani boʻyicha AQSHdan izoh soʻradi. Bu haqda vazirlik matbuot kotibi Omonulla Fayziyev xabar berdi.
AQSHning Nyu-York shahrida Oʻzbekiston va Niderlandiya milliy jamoalari oʻrtasidagi oʻrtoqlik uchrashuvi (1:2) oldidan milliy jamoamiz futbolchilari hamda murabbiylar shtabi aʼzolari kuchaytirilgan xavfsizlik tekshiruvidan oʻtkazilgan.
Qayd etilishicha, Oʻzbekistonning Nyu-Yorkdagi bosh konsulxonasi orqali AQSHning tegishli idoralariga rasmiy murojaat qilinib, holat yuzasidan tushuntirish soʻralgan.
