«Челси» бош мураббийи Хаби Алонсо украиналик вингер Михайло Мудрикни юқори баҳолайди. Бу ҳақда украиналик таниқли шарҳловчи Игор Циганик маълум қилди.
Унинг сўзларига кўра, Алонсо 2022 йилда «Байер»ни бошқарган пайтда Мудрикнинг трансферини амалга оширишни жуда истаган. Ҳатто футболчи Германия клуби йиғинига келиб, жамоа либосини ҳам кийиб кўрган.
Циганикнинг таъкидлашича, Мудрик хусусий шартнома шартларини келишиб олган, аммо клублар трансфер суммаси бўйича муросага кела олмагани сабабли битим амалга ошмаган.
Журналистнинг фикрича, испаниялик мураббийнинг Мудрикка бўлган қизиқиши «Челси»га ўтганидан кейин ҳам сақланиб қолган. Шу билан бирга, Алонсодан тез натижа кутилаётгани учун ҳар қандай қарор жамоа манфаатидан келиб чиқиб қабул қилиниши керак.
Мудрик ҳар икки қанотда ҳам ҳаракат қила олади. Агар у тўлиқ таркибга қайтса, «Челси» ҳужум чизиғидаги рақобат янада кучаяди.
Аввалроқ Мудрик фаолиятини Франция чемпионатида давом эттириши мумкинлиги ҳақида хабар берган эдик.
