«Реал» ва «Бавария» жамоаларининг собиқ ҳимоячиси Давид Алаба фаолиятини Италия чемпионатида давом эттиришга яқин турибди. Бу ҳақда инсайдер Фабрицио Романо хабар берди.
Манбага кўра, австриялик 34 ёшли футболчи «Удинезе» жамоаси билан оғзаки келишувга эришган. Ҳозирда жамоалар музокараларнинг сўнгги босқичини якунлаш арафасида.
Алаба янги жамоасига эркин агент мақомида келиб қўшилади. Футболчининг маоши ва қолган тафсилотлари ҳозирча очиқланмаган.
Аввалроқ футболчи фаолиятини Англия ёки Германия чемпионатида давом эттириши мумкинлиги ҳақида хабарлар тарқалганди. Бироқ футболчининг молиявий талаблари сабаб бирорта келишув амалга ошмаганди.
Давид ўтган мавсум Испания Ла Лигасида 11 та учрашувда майдонга тушиб, битта сариқ карточка олган. «Удинезе» эса А Сериянинг ортда қолган 5 та туридан сўнг 4 очко билан 15-поғонада бормоқда.
