«Ноттингҳэм Форест»нинг ҳужумкор яримҳимоячиси Морган Гиббс-Уайт яқинлашиб келаётган трансфер ойнасида жамоани тарк этиши мумкин.
Hooligan Soccer нашри маълумотига кўра, «Арсенал», «Челси» ва «Манчестер Сити» 26 ёшли англиялик футболчини ўз сафига қўшиб олишга қизиқмоқда. «Ноттингҳэм Форест» 70–80 миллион евролик таклиф келган тақдирда музокараларни бошлашга тайёр. Клуб битимга бонуслар ҳамда футболчининг кейинги трансферидан улуш олиш бандини киритишни ҳам режалаштирмоқда.
Гиббс-Уайт ушбу мавсумда АПЛда учта баҳсда майдонга тушиб, бир гол ва бир ассист қайд этди.
Яримҳимоячининг «Ноттингҳэм Форест» билан амалдаги шартномаси 2028 йил июнигача мўлжалланган.
