«Реал» ҳужумчиси Килиан Мбаппе «Сантяго Бернабеу» стадионида мухлисларнинг ўзига нисбатан ҳуштакбозлик қилишига муносабат билдирди.
«Бундай ҳолатлар баъзан содир бўлади. Биласизми, Мадридда қанча футболчи ҳуштакбозликка учраган? Уларнинг ҳаммаси тирик, шундай эмасми? «Реал» билан шартнома имзолаганингизда, нимага рози бўлаётганингизни биласиз. Бу мени унчалик ранжитмади. Бундан ташқари, мухлислар норозилигини шу тарзда билдираётганини тушунаман», — дея Мбаппенинг сўзларини AS L’Équipe нашрига таяниб келтирди.
Маълумот учун, Мбаппе ушбу мавсумда барча турнирларда бешта баҳсда иштирок этиб, бешта гол урди. Унинг «Реал» билан амалдаги шартномаси 2029 йил ёзигача мўлжалланган.
