Мадриднинг «Реал» клуби футболчиси Трент Александер-Арнолд ўзининг собиқ жамоаси – «Ливерпул» фаолиятини ҳамон фаол кузатиб боришини тан олди.
Англиялик футболчи ўтган йилнинг ёзида «қизиллар» сафидан Мадридга кўчиб ўтган эди.
«Мен «Ливерпул»нинг барча ўйинларини кўришда давом этаман, жамоага мухлислик қиламан ва унга доим муваффақият тилайман. Нима бўлишидан қатъи назар, қалбимда «Ливерпул» учун алоҳида ўрин бўлади. Бу менинг уйим. Клубнинг мен учун қилган ишларини доимо қадрлайман», – дейди Александер-Арнолд Mirror нашрига берган интервьюсида.
Маълумот учун, Трент Мадридга кўчиб ўтишидан аввал мерсисайдликлар сафида 354 та ўйин ўтказган. 27 ёшли ўнг қанот ҳимоячисининг «Реал» билан шартномаси 2031 йилгача мўлжалланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади